Psalms 107

BU V

Phatna-late 107-150

1 TOPA hoih ahi manin ama tungah lungdam ko un; ^a
ama itna kip tawntung hi.
2 TOPA tatsa mite -
galte khut pana a tatsate,
3 gam teng panin a kaihkhopte, ^b
nisuahna nitumna pan, leilu le leitaw ▼

▼ 3 Hebrew in leilulam le tuipi

pana a kaihkhopsate in lungdam ko uh hen.
4 Pawlkhatte, sehnel-gam gamtak ah vak kawikawi uh a, ^d
a ten nading uh khuapi zuatna lampi a mu zo kei uh hi.
5 Amaute gilkial dangtak uh a, ^e
a nuntakna uh damdamin kiamkiam uh hi.
6 Tua ciangin lungkhamin TOPA ko uh a,
amah in amaute lungdonna pan a hukhia hi. ^f
7 Amah in amaute lampi tang ah pi a; ^g
a tentheih nading uh khuapi a tun hi.
8 Amaute in a kip tawntung TOPA itna le ^h
mite adingin a nalamdang bawlte hangin lungdam ko uh hen. ⁱ
9 ahang in, amah in a dangtakte taiisak a,
gilkialte na hoihte-in a dim hi. ^j
10 Pawlkhatte khuamialna miallak thukpi ah tu uh a, ^k
thongkiate in sikkhainiang a thuak uh hi; ^l
11 amaute in Pasian kammalte lehdoin ^m
Sang Penpa kuppihna a simmawh hang uh ahi hi. ⁿ
12 Tua hi a amaute nasep haksazaw semsak a;
a kimuktuk uh hangin a huh ding khat beek a om kei hi.
13 Tua ciangin amaute lungkhamin TOPA ko uh a,
a lungdonna panun amaute a honkhia hi. ^o
14 Amah in khuamial lak le miallak thukpi panin amaute lakhia a ^p
a sikkhainiangte uh a suktatsak hi. ^q
15 Ama itna kip hang le mite adingin a sep ama nalamdangte hangin ^r
amaute in TOPA tungah lungdam ko uh hen; ^s
16 ahang in amah in sumngo kongpite supai a,
a kalhna sikzawlte a attan hi.
17 Pawlkhatte in a lehdonna uh hailawh uh a,
amau tatkhialhna hangin gimna a thuak lawh uh hi. ^t
18 Amaute in an khempeuh kih uh a,
sihna kongpite a naih uh hi. ^u
19 Tua ciangin amaute lungkhamin TOPA sam uh a,
amau lungdonna panin a honkhia hi. ^v
20 Ama kammal sawlkhia a, amaute damsakin; ^w
hankhuk panin a hukhia hi. ^x
21 Ama itna kip hang le mite adingin a sep ama nalamdangte hangin ^y
amaute in TOPA tungah lungdam ko uh hen. ^z
22 Amaute in lungdamkoh biakna pia uh henla ^aa
lungdamna late in ama nasepnate gen uh hen. ^ab
23 A dangte tuipi tungah tembawpite in paikhia uh a; ^ac
amaute tuihat tunga pai sumbawlte ahi uh hi.
24 Amaute in TOPA nasepte, ^ad
tuithuk sunga a sep ama nalamdangte a mu uh hi.
25 Ahang in, amah kampau-in ^ae
tuihualte a sangsak huihpi a kinuai hi.
26 Vante dongin amaute kilawnsang to uh a, a thuknate ah kumsuk kikin;
amaute lau mahmah uh a, a hanna uh tuisuakmang hi. ^af
27 Amaute zukham bangin sukhoi tohoi uh a;
a cih nading a thei nawn kei uh hi.
28 Tua ciangin amaute lungkhamin TOPA ko uh a,
amah in amaute lungdonna panin a pikhia hi. ^ag
29 Amah in huihpi daisakin huihdam suaksak a; ^ah
tuipi hualte a sip dide hi. ^ai
30 Tuate a sip dide ciangin amaute kipak uh a,
amah in amaute utna tembaw khawlmun ah a pi hi.
31 Ama itna kip hang le mite adingin a sep ama nalamdangte hangin
amaute in TOPA tungah lungdam ko uh hen. ^aj
32 Amaute in mi kikhawmte lakah amah tawisang uh henla
upate thu kikupna ah amah phat uh hen.
33 Amah in gunte sehnel-gam suaksak a, ^ak
ciktui luannate leigawtak suaksak in, ^al
34 an tampi pianna gam ci-lei a suaksak hi; ^am
tua pen tua lai-a tengte gitlohna hang ahi hi.
35 Amah in sehnel-gam zong bualtui suaksak a, ^an
lei keugaw zong ciktuite luanna suaksak hi;
36 ama’n a gilkialte tua muna teng dingin puak a,
amaute in a ten theih nading uh khuapi a sat uh hi.
37 Amaute in khaici vawhin lenggui suan uh a,
tuate in lak ding tampi a gah hi; ^ao
38 amah in amaute thupha pia-in pung mahmah uh a, ^ap
a ganhonte uh zong a kiamsak kei hi. ^aq
39 Tua ciangin amaute netniamna,
tuahsiatna le dahna tawh kiniamkhiatin amaute kiam uh hi; ^ar
40 amah in uliante tungah simmawhna a buakpa in ^as
amaute lampi omlohna gamval ah a vaksak kawikawi hi. ^at
41 Ahi hangin amah in a tasamte a thuaksiatna panun laamto a, ^au
a innkuante tuuhonte bangin pungsak hi. ^av
42 A thutangte in tua mu in nuam uh a,
ahi hangin a gilote khempeuh a kamsim uh hi. ^aw
43 A pil peuhmah in hih nate thusim uh henla,
TOPA itna lianpi ngaihsun uh hen. ^ax